csg458.188 csg457.153 NOVEMBER. HIDE LINKS TO MANUSCRIPTS HIDE APPARATUS
| 1 | KAL. NOVEMB. In castro Divionensi natale Benigni presbyteri, qui cum Andochio compresbytero et Thyrso diacono missus est csg457.154 a sancto episcopo Polycarpo ab Oriente in Galliam tempore Aureliani, qui, praedicatione eius comperta, vinctum eum et caesum ad se adduci praecepit, et audita sermonum eius constantia nervis durissimis eum caedi fecit, et Terentio comiti superandum tradidit, a quo ad trochleas extensus est, et caesus, ac rursum carceri mancipatus, mane idola orando destruxit, et reductus est in carcerem, cui subulas decem calentes in manibus infixerunt, csg458.189 et a plumbo remisso pedes in lapide perforato fixerunt, et canes duodecim feroces cum eo incluserunt per sex dies, et attulit ei angelus panem coelestem, subulas abstulit, et eum de plumbo ac ferro eripuit. Post hoc collum eius vecte ferreo tundi et corpus lancea forari iubetur: quo facto columba nivea de carcere, Christianis aspicientibus, ad coelos ascendit, et odor suavissimus quasi paradisi secutus est: discedente Aureliano a loco, supervenit Leonilla, et csg457.155 conditum aromatibus corpus non longe ab ipso carcere sepelivit. Eodem die natale sancti Caesarii diaconi et Iuliani presbyteri; qui videlicet Caesarius tempore Claudii imperatoris veniens ex Africa ad Terracinam Campaniae civitatem, dum contra idololatras proclamaret in publico, tentus est a Firmino pontifice et in custodiam reclusus, ubi diebus multis maceratus deinde traditus est Leontio csg458.190 consulari Campaniae. Quem ille cum verbis superare nequiret, iussit vinctum ante carpentum suum ducere, ligatis manibus, nudum usque ad templum Apollinis: quo cum pervenissent, ad orationem eius corruit templum, et occidit pontificem Firminum; post haec reclusus in carcere a Luxorio primo civitatis, fuit ibi annum et mensem unum. Deinde eductus in foro, a Deo dum oraret coelesti luce circumdatus, ut ipse Leontius crederet, et Caesarium, qui erat nudus, sua chlamyde indueret, et baptizaretur, ac corpus ac sanguicsg457.156nem Domini acciperet de manu Iuliani presbyteri, nec mora, dicta super eum oratione, spiritum tradidit III Kal. Nov. Tunc Luxorius iussit Iulianum et Caesarium mitti in saccum et praecipitari in mare: qui eodem die reiecti sunt ad littus et sepulti csg458.191 ab Eusebio servo Dei, iuxta urbem Terracinam; et idem Eusebius postea martyrium passus est cum Felice presbytero. Eodem die depositio Severini monachi de Tiburtina civitate. Ipsa die memoria celebratur omnium sanctorum, quod constituit Bonifacius papa, qui delubrum vetustum, quod ab antiquis Pantheon vocabatur, concedente Focato [Phoca] Caesare, in honorem sanctae Mariae Virginis et omnium sanctorum dedicavit. Item in eodem die in monasterio Fulda dedicatio ecclesiae sancti Bonifacii, et translatio corporis eiusdem sancti martyris. |
| 2 | IV NON. In Africa natale Publii, Victoris, Hermetis, Iusti et Papiae. |
| 3 | III NON. In Caesarea Cappadociae natale Gercsg457.157mani, Domnini, Theophili, Vitalis, Iusti et Eremitis. Eodem die depositio sancti Permenii [Firmini] confessoris. |
| 4 | csg458.192 II NON. Augustoduno depositio beati Proculi episcopi. Rotenus [Ruthenis] Galliae natale sancti Amantii episcopi. In Galliis Beturicas [apud Bituricas] depositio sancti Inlusoris pueri et confessoris; et in Nicaea, Domnini. In Africa natale Primi, Caesarii, Gregorii, Porsiri, Amantis, Saturini, Victurinae, Perpetuae. |
| 5 | NON. NOVEMB. In Tarracina, Campaniae civitate, natale sanctorum Felicis presbyteri et Eusebii monachi, tompore Claudii imperatoris: qui videlicet Eusebius cum sepelisset sanctos martyres Iulianum et Caesarium, et ad sepulcra eorum orans ac ieiunans multos converteret ad fidem, quos Felix presbyter baptizabat: tenti sunt ambo a Leontio filio Leontii consularis ob eam maxime causam quia Caesarius patrem eius Christianum fecisset, et ad forum ducti, nec superati, inde in carcerem reclusi, et nocte eadem cum sacrificare nollent decollati, atque csg457.158 in fluvio sunt csg458.193 iactati; quorum corpora venerunt usque ad mare, et reiecta sunt ad littus, atque a presbytero quodam de Capua, nomine Quarto, inventa, qui ea mox imposita vehiculo duxit in casam suam, et curiose quaerens etiam capita invenit, ac iuncta corporibus sepelivit iuxta sanctum Caesarium. |
| 6 | VIII ID. NOVEMB. Depositio Wilbrordi episcopi de gente Anglorum, viri sanctissimi et miraculorum gratia insignissimi, qui a Sergio papa Romae ordinatus in Germaniam ad praedicandum verbum Dei est destinatus, ibidemque quievit in pace. |
| 7 | VII ID. In Africa natale Rogati, Donati, Iuliae, Ianuarii. Eodem die natale sancti Rufi, episcopi urbis Metensis et confessoris, qui translatus est a praedicta urbe, consentiente Drogone praesule, in Wormatiensem pagum, in villam quae vocatur Oterheim, csg458.194 temporibus Ludarii imperatoris et Ludovici regis, ubi etiam sanctitas eius multis virtutibus claruit . |
| 8 | csg457.159 VI ID. Romae sanctorum quatuor coronatorum, id est Claudii, Castorii, Symphroniani et Nicostrati, qui tempore Diocletiani Augusti pro nomine Christi passi sunt, eo quod nollent deos paganorum colere. Nam cum essent insignes artifices et in lapidibus marmoreis imagines sculpere super omnes artifices regios noverant et artis eorum peritia multum imperatori placuisset, tamen, accusantibus eos philosophis eo quod falsos deos adorare rennuerant, iussit eos Diocletianus loculis plumbeis inclusos omnes praecipitari in fluvium. Passus est autem et cum eis Simplicius, quem a gentilitatis ritu converterunt ad fidem Christi, et martyrii palmam simul cum ipsis complevit. |
| 9 | csg458.195 V ID. Natale Theodori martyris, qui temporibus Maximiani et Maximini imperatorum fortiter in fide Christi perseverans varia tormenta per Brincum praepositum sibi illata nobiliter superavit. Nam in carceribus eum csg457.160 diu macerans afflixit. Praeterea vero in ignem illum misit, sed ignis corpus eius non exussit sed quasi aurum probavit. Ipse vero in mediis flammis positus Deo gratias egit et sic martyrium suum consummavit. Corpus vero sancti martyris, quaedam mulier nomine Eusebia ex nobili genere veniens vino et unguentis pretiosis condiens et cum sindone munda involvens posuit in loculum et transtulit eum in possessionem suam. Fecit autem ibi domum perfectam et sanctam et erat illic celebrans cotidie commemorationem beati martyris. Multaque ibi signa in laudem Dei et honorem sancti martyris claruerunt. |
| 10 | IV ID. Romae depositio sancti Leonis episcopi. In csg458.196 Antiochia natale Demetrii episcopi, Amnesi, Eustachii [Aniani, Eustosii] et sociorum eius. Aurelianis depositio beati Minitoris [Minitoris] episcopi. |
| 11 | III ID. Depositio beati Martini Turonensis archiepiscopi et confessoris, cuius vita et doctrina per miracula quae Dominus per eum fecit, pene omnibus fidelibus claret, nec necesse est aliquid hic incsg457.161de a nobis commemorari, quia ipsius Vitam, virtutes et signa Sulpicius Severus luculento sermone manifeste descripsit; nec non et Gregorius, eiusdem urbis episcopus, in Miraculorum libris plenissime disseruit. Eodem die passio celebratur Mennae martyris, qui militiam terrenam deserens, eo quod Diocletianus imperator saevitia Christianos cogeret idola colere et deos falsos adorare, sanctus famulus Dei primum in eremum secessit, ac ibi Domino instanter servivit. Postea vero cum gentiles natalem diem praedicti imperatoris celebrarent, venit in civitatem, et increpavit superstitiosos cultores idolorum csg458.197 de vanitate sua. Per Bagasium principem multis tormentis afflictus est, et eum a Christi fide avertere voluit, et in errorem gentilium atque ad militiam terrenam reducere. Sed Christi martyr penitus hoc contradixit. Tunc praeses iussit eum primum in stipite tensum nervis taurinis caedere, ita ut sanguis csg457.162 e corpore eius fluens in circuitu terram repleret; postea iussit fieri spinas ferreas, et praecepit ligari ipsum sanctum martyrem Mennam, et super easdem trahi. Tunc praeses iussit eum contra humeros diutissime caedi; deinde lampades ardentes mandavit supponi corpori eius: allato autem igne et supposito ei per duas ferme horas nullum verbum ad praesidem dixit, sed tantum clamabat ad Dominum dicens: 'Christe Deus, adiuva me;' novissime vero cum nullo modo eum praeses a Christo separare posset, iussit eum decollari. Sicque feliciter sanctus Dei relinquens praesens saeculum ad coeleste regnum transivit. |
| 12 | csg458.198 II ID. In Africa [Asia] natale sanctorum Inauruli, Publi [Aurelii et Publii]. In Caesarea Cappadociae natale sanctorum Germani, Theophili, Caesarii et sancti Eusebii. |
| 13 | IDIB. In Turonis civitate Galliae depositio sancti Bricci [Britii] episcopi et confessoris, qui fuit successor sancti Martini in episcopatu. |
| 14 | XVIII KAL. DECEMB. In Heraclea, civitate Thraciae, natale sancti Clentini et Theodotae, Filomini [Clementini, Theodoti, Philomeni], Eracli, Martialis, Donacsg457.163ti et aliorum multorum sanctorum. |
| 15 | XVII KAL. In Africa natale sanctorum Secundi, Fidentiani, Varici et Martialis. |
| 16 | XVI KAL. In Capua natale Augustini, et in Africa Vitalis, Ianuarii. Lugduno Galliae depositio sancti Euceri [Eucherii] episcopi. |
| 17 | XV KAL. Sancti Patris nostri Gregorii miraculorum factoris. Et in Aurelianis, civitate Galliae, depositio sancti Aniani episcopi et confessoris. |
| 18 | XIV KAL. Passio sancti Romani martyris, qui sub Asclepiade praefecto gloriam sacri martyris csg458.199 adeptus est. Nam praedictus Asclepiades cum vellet sanctum Romanum a fide Christi avertere et in paganicum errorem redigere, validis tormentis illum afficiebat: ipse autem in fide recta et confessione vera permanebat. Ascitus etiam fuit in testimonium parvulus infans, ut ipse ostenderet in professione sua utrum Christus Dei Filius an falsi dii adorandi essent; ad hoc infans respondit, Christum Dei Filium adorandum, non falsa numina deorum. Iussit memoratus praefectus ipsum incsg457.164fantulum valide tractari, sed tamen eum vincere non potuit nec in errorem seducere. Tunc Asclepiades iussit Romanum simul cum infante in carcerem mitti et postera die in validum ignem proiicere, sed pluvia nimia a Deo missa illum exstinxit. Ob hoc iratus praeses infantulum iussit iugulari, Romano vero linguam abscindere. Sed Dei gratia post linguae abscissionem laucsg458.200des Deo incessanter cecinit, et in Christi confessione perseveravit. Quod cum nuntiatum esset Maximino, genero Diocletiani, iussit eum in carcerem mitti et ibi per noctem strangulari. Sicque sanctus Christi martyr octavo decimo die Novembri mensis ad coelestia regna migravit. |
| 19 | XIII KAL. In Caesarea Cappadociae natale Maximi, Muciani, Neophyti et aliorum quadraginta. |
| 20 | XII KAL. In Heraclea natale Bassi, Dionysii; et in Cappadocia Caesarea, Agapeti [Agapii]. |
| 21 | XI KAL. Mauri martyris, qui ab infantia Christianus fuit, orationibusque et ieiuniis Christum Dominum deprecabatur, csg457.165 eleemosynis viduis et egenis frequenter impensis non minuebat. Cumque hoc per omnes dies vitae suae perageret, nutu Dei Spiritus sanctus immisit in sensum eius ut monasterium ingrederetur. Cum ergo non multo tempore ibidem habitaret, ita coepit ab universis fratribus diligi, ut veluti patrem csg458.201 eum omnes venerarentur. Cumque complesset annos octodecim agens vitam monachorum, introivit in sensum eius desiderium ut sancti Petri apostoli sedem advisitaret; et proficiscens, Deo auxiliante, Romam pervenit, et cum omnia didicisset mysteria, vel regulam Ecclesiae, multo magis in urbe Roma coepit Christianis et egenis consueta praebere solatia. Cum vero illic demoraretur annis tribus, eodem tempore quo imperium obtinuit Numerianus impiissimus, et coepit per civitates vel provincias suas praecepta arguenter (ita ms.) dirigere, ut si quis Christianus inventus fuisset, et non diis immolaret, diversis suppliciis maceratus morti traderetur. Ipso namque in tempore cum praefecturam Romae csg457.166 promeruisset Celerinus, et ipse idolis deditus diu requisisset per omnes civitates vel loca, ut sicubi Christiani reperirentur, diversis generibus tormentorum affecti deficerent: hic beatum Maurum multicsg458.202plicibus tormentis afflixit, hoc est, iussit eum primum fustibus nodosis caedi: deinde plumbatis maxillas eius contundi; postea in equuleo suspensum ungulis radi et lampades ardentes lateribus eius applicari; ad extremum vero caput eius amputari. Cuius corpus noctu nautae Africani cognoscentes eum ex sua patria ortum rapuerunt, et volventes eum linteaminibus mundis cum aromatibus posuerunt in sarcophagum, scripserunt ad caput eius dicentes: Dei et Christi Iesu famulus Maurus hunc [hoc] saeculum pro Christi fide relinquens vitam aeternam acquisivit; post aliquantos dies occulte eumdem sarcophagum suam in navem omnes nautae uno animo levaverunt. Quo facto, pervenit ad praefecti Celerini notitiam, et iratus iussit omnes nautas comprehendere. csg457.167 Quo audito omnes fugerunt, et nullus eorum inventus est. Videns haec Celerinus praefectus, csg458.203 consilio diaboli armatus, iussit eamdem navim, in qua martyris corpus erat, sarmentis impleri, et igne supposito in medio mari comburi, sed gubernante Domino, martyrem suum, ubi Christus voluit, ad portum salutis perduxit. |
| 22 | X KAL. Sanctae Ceciliae, quae et sponsum suum Valerianum, et fratrem eius Tiburtium ad credendum Christo ac martyrium perdocuit, et ipsa deinde martyrizavit, ignem quidem superans, sed ferro occisa sub Almachio urbis praefecto. Eadem die sanctae Mederasmae virginis. Ipso die natale Longini martyris, qui militiam terrenam exercens, illo tempore quo Dominus cruci affixus, astans, iussus a Pontio Pilato praeside, latus Domini lancea percutiens aperuit, et videns signa quae fiebant propter Dominum, sole obscurato et terra commota, credidit in Dominum nostrum Iesum Christum, et percutiens pectus suum voce magna dicebat: Vere Filius Dei est hic [Matth. XXVII]. Et post haec recedens a militia instruecsg458.204abatur Domini praeceptis a sanctis apostolis, et venerabilia Christi mandata servans, accepit csg457.168 signaculum fidei, totumque se obtulit Domino, faciens eleemosynas, et castitate corpus continens, puram custodiebat conscientiam, coelestem vitam gerens in terra. Hic cum esset Caesareae Cappadociae, vixit habens quietam monachorum vitam annis viginti octo, et multos avertens ab iniquitate illuminabat verbo veritatis: prohibens idolorum sacrificia, seminans verbo Domini venerabilia praecepta. Igitur cum Octavianus praeses hoc audisset, iussit eum sibi exhiberi, volens avertere illum a Christi fide et vera religione, multisque eum tormentis ob hoc afflixit: novissime vero capitalem sententiam illum iussit subire, ipseque praeses postea orans iuxta corpus sancti martyris recepit visum et sanitatem, quam propter scelera sua ante perdidit. |
| 23 | IX KAL. Romae, sancti Clementis episcopi, qui, iubente Traiano, missus est in exsilium trans Pontum mare, csg458.205 ubi multis ad fidem vocatis per miracula et doctrinam eius, praecipitatus est in mare ligata ad collum anchora, sed recessit mare orantibus csg457.169 discipulis eius per tria millia, et invenerunt corpus in arca saxea in templo marmoreo, et anchoram iuxta. Eodem die natale sanctae Felicitatis, matris septem filiorum, martyris, quae, iubente Antonio, decollata est pro Christo. Et in monasterio Bobio depositio sancti Columbani abbatis. Natale sancti Trudonis confessoris. |
| 24 | VIII KAL. Romae natale sancti Chrysogoni, qui sub Diocletiano martyrium complevit. Scriptum in passione sanctae Anastasiae. Ipso die natale sancti Crescentiani, qui erat cum Caesario diacono, et Largo, et Smaragdo, in carcere sub persecutione Maximini filii Maximiani, et eductus, iubente Carpasio vicario, de carcere, suspensus est in equuleum, et fustibus caesus, unguibus rasus diutius. Deinde flammis circum latera eius appositis diu ustulatus, emisit spiritum, et ab csg458.206 Ioanne presbytero sepultus est in coemeterio Priscillae. Ipso tempore Maximinus interfecit sororem suam Artemiam. Scriptum in gestis Marcelli papae. |
| 25 | VII KAL. Natale sancti Petri episcopi Alexandriae: qui cum esset omnibus adornatus virtuticsg457.170bus, in Scripturis quoque divinis nulli priorum inferior, vere et sacerdos et hostia Dei, subito rapitur, atque ex Maximini praecepto capite obtruncatur; cum quo simul et alii plures ex Aegypto episcopi trucidantur. Scriptum in Historia Ecclesiastica, libro IX. In Nicomedia passio beati Marculi sacerdotis et martyris, qui temporibus Constantis regis tyrannici per Macharianum et Paulum, persecutores maximos, martyrium pro Christi nomine pertulit. Nam cum variis tormentis afflictus esset, tamen a professione rectae fidei nullo modo averti potuit; ad extremum vero per praedictum Macharianum in altissimam rupem adductus, inde praecipitatus est; sed tamen, Christo protegente, csg458.207 corpus eius integrum inter asperrimos scopulos atque acutissimos servatum est: anima vero egressa de corporis ergastulo ad vitam migravit aeternam. |
| 26 | VI KAL. Romae depositio Sirici episcopi et Saturnini; et in Aquilea, Valentini csg457.171 episcopi; et in Capua, Nicanoris, Cassiani et Felicissimi. Augustoduno depositio sancti Amatoris episcopi. |
| 27 | V KAL. In Nicomedia natale Marcelli, Petri, Numeri, Hierenae et Melosae, et depositio Optati episcopi. |
| 28 | IV KAL. In Syria, Trophimi, Theodoli, Expicaci, Euceri, Eusebii et Iulii. |
| 29 | III KAL. Romae natale sancti Saturnini, Serii [Senis], et Sisinnii diaconi sub Maximiano, a quo primo inter alios damnati ad fodiendam arenam ad faciendas thermas Diocletianas. Deinde in carcere diu sunt macerati, ubi multos gentiles docentes baptizabant; et denuo educti vincti catenis, ac nudis pedibus, ante praefectum Urbis csg458.208 Laodicium iussi sunt in equuleo levari, et attrahi nervis et fustibus, ac scorpionibus caedi; quibus etiam postmodum flammas ad latera iussit apponi, et depositos de equuleo capite truncari; quorum corpora cum Ioanne presbytero colligens Thrason vir Christianissimus, qui de facultatibus suis martyribus multa ministraverat, sepelivit in praedio suo via Salaria. His in medio certacsg457.172mine positis crediderunt duo milites, Papias et Maurus, qui mox comprehensi a Laodicio, et non multo post martyrio coronati sunt. Scriptum in gestis Marcelli papae. Eodem die in Galliis civitate Mannetis [Tolosae], Saturnini episcopi et martyris. Ipse vero Saturninus martyr, ut fertur, ab apostolorum discipulis ordinatus in urbem Tolosatium est directus, qui impulsu paganorum bovis petulci religatus vestigiis per gradus Capitolii praecipitatus, praesentem finivit vitam, capitis compage dispersa; cuius reliquiae in pluribus locis miraculis claruerunt.csg458.209 |
| 30 | II KAL. Natale sancti Andreae apostoli, qui interpretatur virilis vel decorus, frater Petri. Hic praedicavit Scythiam et Achaiam, ibique in civitate Patras cruci suspensus occubuit. Romae, Castuli, et Eucrepitis [Euprepitis], et in Mediolano, Ambrosii episcopi. |