monumenta.ch > Beda Venerabilis > sectio 1

Word Selection for Searching

Report an Error in this Sectio
Beda Venerabilis, De Arte Metrica, 14, 1
Coniunctionem etiam solutionemque syllabarum, quam Graeci episynalepham et diaeresim vocant, ubi necesse est licitam scire metricum decet: coniunctionem videlicet qua duae de tribus; solutionem, qua duae de una syllaba efficiuntur. Cuius exemplum coniunctionis:

Aedificant sectaque intexunt abiete costas.

Et:

Custodes sufferre valent, labat ariete crebro Ianua . . . . .

Et:

Tenuia nec lanae per coelum vellera ferri.