monumenta.ch > Petrus Venerabilis > sectio 6

Word Selection for Searching

Report an Error in this Sectio
Petrus Venerabilis, Epistulae, 4, 22, 6
Suffragetur ei et boni, religiosi, ac singularis inter suos viri, diutina iam cohabitatio: quem mandato domini papae Coelestini, non quidem ex nomine designatum, sed a nobis pro insigni religione electum, ei in socium dedimus. Ipse ergo si sic iustum sapientiae vestrae videtur, super ipso conveniatur, ipse requiratur; ipsi quia nullatenus eum mentiri velle testificor, magis quam nebulonibus illis credatur. Valeat sanctitas vestra semper in Christo.