Hrabanus Maurus Hrabanus Maurus, De Universo, 3, 1, 93 Ozias, qui interpretatur fortitudo Domini, dionymus erat; quia qui in Paralipomenon Ozias, idem in libro Regum Azarias nominatur. Ozias interpretatur virtus Domini, et Azarias auxilium Domini. Et recte virtus Domini vel auxilium Domini vocatur, quia quandiu recta egit, divina ope adiutus, plurima commisit feliciter bella, et ubique de hostibus triumphavit.