Ambrosius, Epistolarum classis I, GESTA CONCILII AQUILEIENSIS CONTRA PALLADIUM..., 35.
| 1 | Palladius dixit: « Pater maior est, an non? » Eusebius episcopus dixit: « Secundum divinitatem aequalis est Filius Patri. |
| 2 | Habes in Evangelio quod Iudaei persequebantur eum; quia non solum solvebat sabbatum, sed et Patrem suum dicebat Deum, aequalem se faciens Deo (Ioan. V, 18). |
| 3 | Quod ergo impii persequentes confessi sunt, nos credentes negare non possumus. |
| 4 | » Ambrosius episcopus dixit: Et alibi habes: « Qui cum esset in forma Dei, non rapinam arbitratus est esse se aequalem Deo; sed semet ipsum exinanivit, formam servi accipiens, in similitudinem hominum factus obediens usque ad mortem » (Philip. II, 6). |
| 5 | Et « addidit: Vides quia in forma Dei aequalis est? Et formam, inquit, servi accepit (Ibid.). |
| 6 | In quo ergo minor est? Secundum formam utique servi, non Dei. |
| 7 | » Eusebius episcopus dixit: « Sicut in forma servi constitutus, inferior servo non fuit: ita in forma Dei constitutus, inferior Deo esse non potuit. |