Ambrosius, Epistolarum classis I, 6, 3.
| 1 | Levites vir (Iudic. XIX, 1 et seq.), animo maior quam opibus, habitabat in partibus montis Ephraem; ei quippe tribui sortito obtigerat locus in possessionem terrae datus pro funiculo haereditatis. |
| 2 | Is sibi accepit iugalem de Iuda Bethleem. |
| 3 | Et ut se habent prima copularum exordia, ardebat iuvenculam immodica animi cupiditate: simul quia similibus eius non fungebatur, exardescebat magis magisque possessione, atque immane quantum exaestuabat. |
| 4 | Unde quia nihil referebatur ex parte adolescentulae, vel levitate amoris, vel vi doloris, quod haudquaquam mercede pari secum decerneret, cum eadem expostulabat. |
| 5 | Hinc frequens iurgium: quo mulier offensa, claves remisit, domum revertit. |