Ambrosius, Epistolarum classis I, 35, 11.
| 1 | En tibi exemplum de ipso Domino Iesu. |
| 2 | In resurrectione mortuorum primogenitus ex mortuis dicitur (Coloss. I, 18). |
| 3 | Eumdem ipse Apostolus primitias significavit dicens: In Christo omnes vivificantur, unusquisque autem in suo ordine: primitiae Christus, deinde ii qui sunt Christi, qui in adventum eius crediderunt (I Cor. XV, 22). |
| 4 | Eadem in illo corporis veritas, quae in nobis: sed tamen et primogenitus ex mortuis dicitur, quia primus resurrexit: et primitiae; quia sanctior omnibus fructibus, qui etiam caeteros consortii sui fructus sanctificavit. |
| 5 | Ipse etiam initium eorum qui ad imaginem, quasi imago invisibilis Dei (Coloss. I, 15), in quo secundum divinitatem nihil corporeum, nihil temporale; quia splendor est gloriae paternae, et imago substantiae eius. (Hebr. I, 3). |
| 6 | Produximus sermonem epistolarem, dum volumus quid sint primitiae significare. |