monumenta.ch > Augustinus > 5 > § 14 > § 14 > > § 14 > LXXV. > LXXVI. > LXXXIV. > LXXII. > LXIV. > XXXI. > LXX. > XXXIV. > LXXXIII. > XL. > XLVII. > XXXII. > LXXIX. > XLIV. > LXXVIII. > LXVII. > LXIII. > LIV. > XXXV. > LXXXI. > LXXXV. > LIX. > § 14 > LXXIV. > LXXXVI. > XXXVI. > XXIX. > XXIII. > LI. > LXXXVIII. > XXVIII. > XXXIX. > LXXXII. > XLII. > XXVII. > LXVI. > LXXIII. > XLIII. > XLV. > XXVI. > LXII. > LX. > XXXIII. > XLVIII. > LVIII. > LII. > LXXI. > XX. > XV. > XXXVII. > I. > IX. > XXV. > XLI. > XLVI. > XXI. > LXXVII. > XXII. > XVII. > LXIX. > XXXVIII. > XI. > LXI. > XVIII. > XII. > XXX. > XVI. > XXIV. > LXXXVII. > LIII. > LVII. > XLIX. > LXV. > LV. > LXXX. > X. > LVI. > LXVIII. > XIV. > § 14 > II. > L. > VI.
Augustinus, De haeresibus, V. <<<     >>> VII.

Augustinus, De haeresibus, VI.

1 GNOSTICI propter excellentiam scientiae sic se appellatos esse, vel appellari debuisse gloriantur: cum sint superioribus omnibus vaniores atque turpiores.
2 Denique cum ab aliis atque aliis per diversas terrarum partes aliter atque aliter nuncupentur, nonnulli eos etiam Borboritas vocant, quasi coenosos, propter nimiam turpitudinem quam in suis mysteriis exercere dicuntur.
3 Aliqui eos a Nicolaitis exortos putant: aliqui a Carpocrate, de quo post loquemur.
4 Tradunt autem dogmata fabulosissimis plena figmentis: etiam ipsi principum vel angelorum nominibus terribilibus infirmas animas capiunt; et de Deo rerumque natura, fabulosa et a sanitate veritatis aliena multa contexunt.
5 Animarum substantiam, Dei dicunt esse naturam, earumque adventum in haec corpora et reditum ad Deum iisdem suis fabulis longissimis et stultissimis secundum suos errores inserunt: et illos qui eis credunt faciunt, non multa, ut putant, scientia praepollere, sed multa, ut ita dicam, fabulositate vanescere.
6 Dicuntur quoque bonum deum et malum deum in suis habere dogmatibus.
Augustinus HOME

ubbB_VIII_0009.7r

© 2006 - 2026 Monumenta Informatik