| 1 | Intueris enim iustitiam, qua nemo male utitur. |
| 2 | Haec inter summa bona quae in ipso sunt homine numeratur, omnesque virtutes animi quibus ipsa recta vita et honesta constat. |
| 3 | Nam neque prudentia, neque fortitudine, neque temperantia male quis utitur: in his enim omnibus, sicut in ipsa etiam quam tu commemorasti iustitia, recta ratio viget, sine qua virtutes esse non possunt. |
| 4 | Recta autem ratione male uti nemo potest. |