monumenta.ch > Augustinus > 12 > 2 > 3 > 2 > 2 > 7 > 5 > 2 > 2 > 4 > 12 > 2 > 12 > 8 > 9 > > 6 > 1 > > 3 > 2 > 3 > 3 > 2 > 7 > 5 > 7 > 7 > 3 > 3 > 4 > 5 > 5 > 8 > 9 > 3 > 4 > 7 > 7 > 4 > 8 > 9 > > 8 > 9 > > 5 > 7 > 5 > 6 > 5 > 1 > 4 > 4 > 8 > 9 > 6 > 8 > 9 > 6 > 4 > 1 > 1 > 8 > 9 > 6 > 6 > 3 > 3 > 1 > 1 > 6 > 1 > 7 > 7 > 5 > 5 > 4 > 4 > 8 > 9 > 8 > 6 > 6 > 1 > 1 > 40. > . . . > 38. > 41.
Augustinus, De libero arbitrio, CAPUT XIV. - Non omnis corruptio vituperatione digna est., , 40. <<<    

Augustinus, De libero arbitrio, LIBER TERTIUS. In quo quaeritur..., CAPUT XIV. - Non..., 41.

1 Vitium autem, dicere coeperam, non aliunde malum est, nisi quia naturae adversatur eius ipsius rei cuius est vitium.
2 Unde manifestum est hanc eamdem rem cuius vitium vituperatur, natura esse laudabilem; ita ut omnino hanc ipsam vituperationem vitiorum, naturarum laudem esse fateamur, earum scilicet quarum vitia vituperantur.
3 Quia enim vitium naturae adversatur, tantum additur malitiae vitiorum, quantum naturarum integritati minuitur.
4 Cum ergo vituperas vitium, id profecto laudas cuius integritatem desideras: cuius autem, nisi naturae integritatem? Natura enim perfecta, non solum nulla vituperatione, sed etiam laude in suo genere digna est.
5 Quod ergo perfectioni naturae deesse perspexeris, id vocas vitium, satis tibi eam placere contestans, quam vituperatione imperfectionis eius velles esse perfectam.
Augustinus HOME