| 1 | Hanc quaestionem breuiter soluerem, si dicerem, quia et iuste dicerem credendum esse apostolo. |
| 2 | ipse enim sciebat, cur in ecclesiis gentium non oporteret portari uenale euangelium, non culpans coapostolos suos, sed distinguens ministerium suum, quia ita inter se distribuerant procul dubio admonente spiritu sancto euangelizandi prouincias, ut Paulus et Barnabas ad gentes irent, illi autem in circumcisionem. |
| 3 | hoc tamen eum praecepisse his, qui non habebant eius modi potestatem, ea quae iam multa dicta sunt manifestant. |
| 4 | Isti autem fratres nostri temere sibi adrogant, quantum existimo, quod eius modi habeant potestatem. |
| 5 | si enim enangelistae sunt, fateor, habent; si ministri altaris, dispensatores sacramentorum, bene sibi istam non adrogant, sed plane uindicant potestatem. |