Augustinus, Epistolae, 26, Carmen Licentii ad Augustinum..., 6.
| 1 | Quid aestuas? |
| 2 | quid fluctuas? |
| 3 | quid imaginationibus mortiferarum voluptatum aurem accommodas, et avertis a nobis? |
| 4 | Mentiuntur, moriuntur, in mortem trahunt. |
| 5 | Mentiuntur, Licenti: Sic nobis, sicuti optas, verum ratione patescat; Sic plus Eridano fluat. |
| 6 | Non dicit verum nisi Veritas: Christus est veritas; veniamus ad eum, ne laboremus. |
| 7 | Ut ipse nos reficiat, tollamus iugum eius super nos, et discamus ab eo quoniam mitis est et humilis corde, et inveniemus requiem animabus nostris. |
| 8 | Iugum enim eius lene est, et sarcina eius levis est. |
| 9 | Ornari abs te diabolus quaerit. |
| 10 | Si calicem aureum invenisses in terra, donares illum Ecclesiae Dei. |
| 11 | Accepisti a Deo ingenium spiritualiter aureum, et ministras inde libidinibus, et in illo satanae propinas teipsum! |
| 12 | Noli, obsecro; sic aliquando sentias quam misero et miserando pectore haec scripserim; et miserearis iam mei, si tibi viluisti. |