Augustinus, Epistolae, 194, 3, 11.
| 1 | Deinde post remissionem peccatorum, nisi mundatam domum habitet Spiritus sanctus, nonne cum aliis septem redit spiritus immundus, et erunt novissima hominis illius peiora quam erant prima (Matth. XII, 44, 45)? |
| 2 | Ut autem habitet Spiritus sanctus, nonne ubi vult spirat (Ioan. III, 8); et charitas Dei, sine qua nemo bene vivit, diffunditur in cordibus nostris, non a nobis, sed per Spiritum sanctum qui datus est nobis (Rom. V, 5)? |
| 3 | Hanc enim fidem Apostolus definivit, dicens: Neque circumcisio est aliquid, neque praeputium; sed fides, quae per dilectionem operatur (Galat. V, 6). |
| 4 | Ista quippe fides est Christianorum, non daemoniorum: nam et daemones credunt et contremiscunt (Iacobi II, 19); sed numquid et diligunt? |
| 5 | Nam si non crederent, non dicerent, Tu es Sanctus Dei; vel, Tu es Filius Dei (Luc, IV, 41). |
| 6 | Si autem diligerent, non dicerent, Quid nobis et tibi (Matth. VIII, 29)? |