Servius, In Vergilii Eclogarum commentarii, 1, Ad v. 2
| 1 | siluestrem musam id est rusticum carmen. |
| 2 | tenvi avena culmo, stipula, unde rustici plerumque cantare consuerunt: alibi "stridenti miserum stipula disperdere carmen". |
| 3 | dicendo autem 'tenui avena', stili genus humilis latenter ostendit, quo, ut supra dictum est, in bucolicis utitur. |
| 4 | meditaris quod Graeci μελετῶ dicunt, per antistoechon 'meditor' dixerunt Latini: l enim et d interdum sibi invicem cedunt, unde et 'sella' pro sedda dicitur a sedendo. |