| 1 | defendite prohibete, excludite: Horatius "et igneam defendit aestatem capellis usque meis". |
| 2 | duo ergo significat: nam aliter patriam dicimus defendere, aliter hostes, ut "hunc, oro, defende furorem". |
| 3 | iam venit aestas torrida iam advenit, iam adpropinquat: non enim dicit aestatem esse, cum adhuc turgere gemmarum palmites dicat. |
| 4 | et bene tarde frondere vites commemorat in Venetia, quae est provincia frigidior. |