Servius, In Vergilii Eclogarum commentarii, 9, Ad v. 46
| 1 | daphni, quid antiqvos pro 'antiquorum'. |
| 2 | daphni quid antiqvos s. s. o. ecce dionaei processit caesaris astrum cum Augustus Caesar ludos funebres patri celebraret, die medio stella apparuit. |
| 3 | ille eam esse confirmavit parentis sui: unde sunt versus isti compositi. |
| 4 | 'Dionaei' autem longe repetitum est, a matre Veneris Diona. |
| 5 | sane 'astrum' graece dixit: nam stellam debuit dicere. |
| 6 | Baebius Macer circa horam octavam stellam amplissimam, quasi lemniscis, radiis coronatam, ortam dicit. |
| 7 | quam quidam ad inlustran dam gloriam Caesaris iuvenis pertinere existimabant, ipse animam pa tris sui esse voluit eique in Capitolio statuam, super caput auream stellam habentem, posuit: inscriptum in basi fuit 'Caesari emitheo'. |
| 8 | sed Vulcanius aruspex in contione dixit cometen esse, qui significaret ex itum noni saeculi et ingressum decimi; sed quod invitis diis secreta rerum pronuntiaret, statim se esse moriturum: et nondum finita ora tione, in ipsa contione concidit. |
| 9 | hoc etiam Augustus in libro secundo de memoria vitae suae complexus est. |
| 10 | et haec Moeris non ut sua, sed Vergilii refert, in honorem Augusti composita. |