Servius, In Vergilii Georgicis commentarii, 1, Ad v. 7
| 1 | alma ceres 'alma' ab alendo, 'Ceres' a creando dicta. |
| 2 | quamvis Sabini Cererem Pandam appellent, Liberum Loebasium, dictum autem, quia graece λοιβή dicitur res divina. |
| 3 | vel ideo simul Liberum et Cererem posuit, quia et templa eis simul posita sunt et ludi simul eduntur. |
| 4 | vestro si munere quoniam sine cibo et potione vivere non possumus: vel 'munere' beneficio, ut "et munere victor amici". |
| 5 | 'si' autem hic pro siquidem; nam 'si' modo confirmantis est: Terentius "non, si redisset, pater ei veniam daret". |