Servius, In Vergilii Georgicis commentarii, 1, Ad v. 240
| 1 | mundus ut ad scythiam r. a. a. iam definitio est nostri climatis, id est nostrae habitationis, quae a septentrione incipiens in australi desinit plaga. |
| 2 | 'Riphaeas' autem 'arces' Scythiam dicit, cuius sunt montes Riphaei. |
| 3 | ( mundus ut ad scythiam r. a. a.) quoniam borius circulus totus supra terram est: ideoque ab Arato hic apparens, ille, id est australis, vocatur obscurus. |
| 4 | sane aliqui mundum pro caelo accipiunt hoc loco, qui mundum nomen volunt esse universae naturae. |