| 1 | hinc tempestates id est ex hac causa, ex hac ratione astrologiae, ex hac temporum scientia vel siderum observatione. |
| 2 | et hoc contra Epicureos, qui dicunt acervum stellarum sine causa esse. |
| 3 | et iam conclusio est; nam hoc dicit: non sine causa intuemur siderum ortus et occasus; hinc enim universa noscuntur. |
| 4 | dubio caelo id est 'etiam dubio caelo'. |
| 5 | et bene 'dubio': nam ideo alibi caeli fraudem dixit. |
| 6 | praediscere praevidere. |