Servius, In Vergilii Georgicis commentarii, 1, Ad v. 437
| 1 | glauco hic piscator fuit de Anthedone civitate. |
| 2 | qui cum captos pisces super herbam posuisset in litore et illi recepto spiritu maria rursus petissent, sensit quandam herbarum potentiam, quibus esis conversus est in numen marinum. |
| 3 | Panopea autem nympha est marina. |
| 4 | inoo melicertae patronymicon est a matre Ino. |
| 5 | sane Ino et Melicerta postquam sunt in numina commutati, graece Palaemon et Leucothea sunt appellati, latine Portunus et Mater Matuta. |