Servius, In Vergilii Georgicis commentarii, 2, Ad v. 456
| 1 | centauros leto domvit rhoetumque pholumque hic quaestio est, cur Pholum inter Centauros interfectum dicat, quem Hercules etiam hospitem habuerit nec umquam infestaverit. |
| 2 | sed peremptis Centauris cum sagittas eius Pholus miraretur, una earum supra pedem ipsius cecidit et ei letalis fuit. |
| 3 | inter Lapithas autem et Centauros bellum fuit propter Hippodamiam, sive Deianiram, et cum ad rapiendam virginem insolentes Centauri fuissent, a Lapithis sunt attriti. |