Servius, In Vergilii Georgicis commentarii, 3, Ad v. 49
| 1 | sev quis olympiacae miratus p. p. dicturus est de armentis et gregibus. |
| 2 | armenta autem sunt equorum et boum, quod haec animalia apta sunt armis, ut scutis boum coria, equi proelio; greges vero capellarum et ovium sunt: ipse paulo post "hoc satis armentis: superat pars altera curae, lanigeros agitare greges hirtasque capellas". |
| 3 | haec tamen, armenta et greges, sciendum quia plerumque confundit auctoritas. |
| 4 | olympiacae miratus praemia p. studiosus curulis certaminis, quod geritur apud Pisas in honorem Iovis Olympici. |