| 1 | abde domo in domo; nam si adverbialiter vellet loqui, 'domi' diceret: tale est illud in quarto "non Libyae, non Tyro". |
| 2 | nec turpi ignosce senectae Cicero in maiore Catone et laudat et vituperat senectutem. |
| 3 | unde dupliciter hunc locum intellegimus: aut 'nec ignosce turpi senectae', aut 'non turpi senectae ignosce', id est abde et ignosce senectae, quae turpis non est, quia per naturam venit. |