Servius, In Vergilii Georgicis commentarii, 3, Ad v. 113
| 1 | primus erichthonius currus et quattvor a. i. e. Vulcanus impetrato a Iove Minervae coniugio, illa reluctante, effectum libidinis proiecit in terram. |
| 2 | inde natus est puer draconteis pedibus, qui appellatus est Erichthonius, quasi de terra et lite procreatus: nam ἔρις est lis, χθὼν terra. |
| 3 | hic ad tegendam pedum foeditatem iunctis equis usus est curru, quo tegeret sui corporis turpitudinem. |
| 4 | et aliter: Varro in libro, qui Admirabilium inscribitur, Erichthonium ait primum quattuor iunxisse equos ludis, qui Panathenaea appellantur. |
| 5 | de hoc Erichthonio alibi satis dictum. |
| 6 | qui anguinis pedibus fuisse me moratur. |