Servius, In Vergilii Georgicis commentarii, 4, Ad v. 39
| 1 | spiramenta exitus: alibi "saevi spiracula Ditis". |
| 2 | fucoque genus est herbae, unde tinguitur vestis. |
| 3 | fucum autem et flores pro cera posuit, quam ex his colligunt rebus. |
| 4 | et aliter: fucus est genus cerae, qua pro glutine abutuntur: Graeci πρόπολιν vocant. |
| 5 | alii sic: 'fuco' pro medicamento posuit: Plautus in Poenulo "vitia corporis fuco occulunt". |
| 6 | sed vide ne de galbano dicat, quod separatim solent laborare propter remedia, quibus adversus animalia utuntur sibi in festa: unde ipse alibi adversus colubros hoc dicit adhiberi. |
| 7 | 'oras' autem alveariorum. |