Servius, In Vergilii Georgicis commentarii, 4, Ad v. 522
| 1 | caput a cervice revulsum constat caput Orphei in Hebrum proiectum et fluctus in Lesbum insulam detulisse. |
| 2 | Hebrus autem fluvius in Thracia est, qui ex fontibus Rhodopae montis prolabitur, dictus ab Hebro, Boreae fratre: quem nunc Oeagrium dicit ab Oeagro, rege Thraciae, Orphei patre. |
| 3 | et aliter: marmorea caput a cervice revulsum id est pulchra. |
| 4 | sane alludit ad id quod dicit Ovidius, quia cum caput eius delatum ad ripam serpens mordere voluisset, est conversus in lapidem. |