Servius, in Vergilii Aeneidos Commentarius, 3, Versus 171
| 1 | lm|ausonias|lm appellata Ausonia ab Ausone, Ulixis et Calypsus filio: et primo pars, postea omnis Italia nominata. |
| 2 | lm|dictaea|lm Dictaeus mons Cretae est, dictus a Dicte nympha, quae illic colitur: in quo dicitur altus Iuppiter, ut 'Dictaeo caeli regem pavere sub antro'. |
| 3 | lm|dictaea|lm Dictaeus mons est in Creta, ubi herba dictamnos nascitur, quae admota vulneribus ferrum inhaerens solet expellere. qui mons dictus est a Dicte nympha, quae ibi colitur. quam cum Minos rex amaret et insequeretur per loca avia, illa se amore castitatis praecipitem dedit, et excepta piscatorum retibus invita reducta est. a qua rex abstinuit et nomine eius Dictaea loca appellari iussit. in hoc monte dicitur altus Iuppiter, ut 'Dictaeo caeli regem pavere sub antro'. |
| 4 | lm|negat tibi iuppiter arva|lm ex definito. et bene Iuppiter, quasi ipse qui Cretensibus praeest. |