Servius, in Vergilii Aeneidos Commentarius, 5, Versus 114
| 1 | lm|prima certamina|lm Punico bello primum naumachiam ad exercitium instituere Romani coeperunt, postquam probarunt gentes etiam navali certamine plurimum posse: ad quam rem in hoc certamine plurimum adludit poeta. |
| 2 | lm|pares|lm aut pariter: aut diversis conparabiles rebus, ut sequentia indicant 'melior remis, sed pondere pinus tarda tenet': aut 'pares' ordine remorum, quamvis Gyae tantummodo triremem dicit: aut 'pares' ita ut ante certamen videbantur. |
| 3 | lm|gravibus remis|lm fortibus, ut 'ferit ense gravem Thymbraeus Osirin': nam graves inferunt tarditatem. |