monumenta.ch > Agobardus Lugdunensis > I.
>>> Agobardus Lugdunensis, Liber apologeticus pro filiis Ludovici Pii, II.

I. SHOW LINKS TO MANUSCRIPTS SHOW TRANSLATION LINKS

1  Audite haec, omnes gentes, audiat terra et plenitudo eius a solis ortu usque ad occasum, ab aquilone et mari, et sciant et recogitent pariter domni et imperatoris Ludovici filios iuste fuisse et esse indignatos, et bene sentire et intendere ad expurgandum paternum palatium a sordibus facinorum et iniquis factionibus, et regnum ab amarissimis et tumultuosis inquietudinibus; tantum ut inter eos germana fides et fraterna sinceritas Deo digna et omni fideli populo beneplacita persistat et inviolabiliter perseveret.