monumenta.ch > Sulpicius Severus Incertus > Item versus super ostium a parte Ligeris.
Sulpicius Severus Incertus, Carmina, Item in introitu a parte occidentis super ostium Hstoria picta viduae. <<<     >>> Item super locum absidis in altare.

Item versus super ostium a parte Ligeris. SHOW LINKS TO MANUSCRIPTS SHOW TRANSLATION LINKS

1  Discipulis praecipiente Domino in mari navigantibus ventis flantibus, fluctibus excitatis, Dominus super mare pedibus ambulat et sancto Petro mergenti manum porrigit et ipsum de periculo liberat. 2  Sanctissima Christi Ecclesia quae est mater omnium Ecclesiarum quam fundaverunt apostoli, in qua descendit Spiritus sanctus super apostolos in specie ignis linguarum, in ea positus est thronus Iacobi apostoli et columna in qua verberatus est Christus. 3  Quisque solo acclivis mersisti in pulvere vultum,
Humidaque illisa ( sic ) pressisti lumina terrae,
Attollens oculos trepido miracula visu
Concipe et eximio causam committe patrono.
4  Nulla potest tantas complecti pagina vires;
Quanquam his titulis cementa et Saxa notentur,
Terrenum non claudit opus quod regia coeli
Suscipit et rutulis inscribunt sidera gemmis.
5  Martini si quaeris opem, trans astra resurgens
Tange polum scrotatus in aethere coetum.
6  Illic coniunctum Domino perquire patronum
Sectantem aeterni semper vestigia regis.
7  Si dubitas, ingesta oculis miracula cerne,
Quis famuli meritum verus salvator honorat
Accedis reliquis inter tot millia testis,
Dum narranda vides sollers et visa retexis,
In sanctis quicquid signavit pagina libris;
Instaurante Deo cernis quo numere gaudent
Caecu, claudus, inops, furiosus, anxius, aeger,
Debilis, oppressus, captivus, moestus, egenus.
8  Omnis apostolicis gaudet curatio signis.
9  Qui flens affuerit laetus redit, omnia cedunt
Nubila, quod meritum turbat medicina serenat
Expete presidium, non frustra haec limina pulsas;
In cunctum pergit pietas tam prodiga mundum.